一直以嚟大家细细个就听过，睡前唔好饮咖啡，因为咖啡因令人兴奋，会令人夜晚失眠，瞓唔着觉；但实际上又係点呢？根据美国一项长达14年嘅研究，原来咖啡一直「食死猫」，并唔会导致失眠，反而酒精同尼古丁先係兇手！
研究由佛罗里达大西洋大学、哈佛大学等英美4间大学联手，14年来追踪咗近800位非裔美国人，佢哋本身无任何睡眠病史，每人都要戴住腕带记录睡眠质素，并要记低饮食、食烟、饮酒、饮咖啡等习惯。研究发现，饮咖啡并唔会导致失眠，反而睡前4个钟如果食烟、饮酒，就会令人失眠，平均每晚会少瞓43分钟。其实之前都有唔少研究，话咖啡其实可以帮助入睡，饮完咖啡20分钟后，反而可以取代脑入面一种名为腺苷酸嘅物体，有助令脑部宁静，所以反而可以令人感到安逸而快速入睡。唔知大家以后会唔会对咖啡改观呢？
