对于唔少繁忙嘅上班一族，好多人係连早餐都唔得闲食，一直以嚟大家都知唔食早餐对健康唔好，而且反而因为肚饿午餐会食多咗导致癡肥，但原来有更严重嘅问题。
德国糖尿病中心一项最新研究，分析90,000位参与人士嘅数据，发现至少4,000人患有第二型糖尿病，而致病嘅主因係因为肥胖，呢4,000人正係经常唔食早餐以致癡肥！另外再发现原来早餐每日一杯咖啡，可以有效预防第二型糖尿病，患病机会减少达25%，因为咖啡可以刺激新陈代谢兼增加肠胃中嘅微生物，而且有抗氧化作用保护肠胃！不过研究就话咖啡虽然好，但如果落太多糖同奶，一样会致肥，而一日最好唔好饮多过4杯！
