呢个世界公平咩？好多人可能会答，上天係最公平，人人最后都係会死，乜都带唔走，但其实係，有钱人係可以将死期推后㗎！
英国伦敦帝国学院一项调查就2001年至2016年一共765万位过咗身嘅人士进行身分调查，其中发现住喺最有名穷困地区同有钱人地区嘅人死亡年龄係差好远，女性嚟讲穷困地区嘅人死亡平均年龄为78.8岁，有钱人区则为86.7岁，相差6.1年；至于男性则仲严重，前者为74岁，后者为83.8岁，其中相差9.8岁，即係话有钱男士比穷困男士平均长命10年！更严重嘅问题係，穷困地区死亡平均年龄更係一年比一年早，意味穷人生活愈嚟愈差，更早死亡。大家可以即管答，呢个世界公平咩？
