为咗主子，猫奴们可以去到几尽?日本Google近日为新产品Google Home Mini推出一个窝心广告，由7段养猫之人嘅短片组成，每段都令猫奴们会心微笑，养紧猫猫嘅你，有冇同广告入面嘅人一样？
1.瞓你大脾
猫猫居然坐喺奴才大脾瞓觉，奇蹟呀，奴才都唔知等咗几耐!呢个幸福moment要好好享受，透过语音指令熄灯，同主子一齐放松休息吓!
2.爱玩厕纸
奴才眼定定望住厕所方向，原来猫猫喺度玩紧拉厕纸，动作好敏捷超叻呀!猫奴仲望，仲唔购多啲厕纸畀主人玩?用语音就可以落单好方便!
3.吸猫
奴才情深款款望住瞓紧觉猪嘅肥猫，毛茸茸超可爱呀，忍唔住成个头挨落去吸猫!真係好想射波成日留喺屋企呀，不过都係问问语音助理，今日有咩行程先再决定啦!
4.最爱纸皮箱
天气咁冻，专登买咗张猫床畀主子瞓得暖啲，点知佢都係拣纸皮箱!冇计啦，唯有用语音帮主子开电热毯!
5.最爱电脑
当你想用电脑工作时，主子就会坐喺键盘上唔畀你开工，你唯有用语音开电视睇，呢个时候主子又会挡喺电视前面，令猫奴哭笑不得。
6.晒日光浴
主子望出窗，原来今日落雨，冇没有主子就会闷闷不乐。不过，希望在明天，问问语音助手听日天气如何，真係好天呀，主子又可以晒太阳了!
7.捣蛋作乱
猫猫甩毛搞到全屋都係毛、打翻猫砂、抓到梳化烂哂…呢啲唔通又係主子嘅错咩，咪傻啦，你个奴才仲唔用智能语音助理开吸尘机打扫?
图片来源：Google影片截图
