为咗整容可以去到几尽?被称为日本最强整容女王，自称「法国娃娃」嘅Vanilla(ヴァニラ)，5年前因整容前后对比太大，在日本综艺节目「女人要看的事(私の何がイケないの？)」中爆红成名，佢解释因细个太丑样而被同学欺凌，老豆唔安慰都算，仲话「鬼叫你生得样衰，惟有忍吓啦」，于是决心踏上整容之路。
当时佢自爆已整形30几次，总费用达1000多万円(约70万港元)，眼、额头、下巴、胸部、腰、臀部等都开过刀。日前佢上综艺节目「悪魔の美容术～禁断の美容法を试した人は今大丈夫なのか！？」时，声称已用2亿円(约1400万港元)做手术，手术次数多到数唔哂!近日佢更转型做Youtuber，分享自身整容经验，不过大部分网民觉得佢愈整愈恐怖:「外星人呀」、「下巴尖到可以杀死人」，仲话净係见到Youtube片缩图已经好惊，唔敢开嚟睇!
好明显Vanilla因儿时被欺凌而影响心理，导致整容成瘾，分分钟危及性命。现今社会，整容唔係咩新奇或唔见得光嘅事，但如果你有以下5种心态，千析咪整，日后一定会后悔!
1.以明星样做标准
整容係运用手术、药物、医疗器械等对人嘅容貌、部位形态等进行修复再塑，係可以增强外在美感，但唔係万能，有啲人非整成明星样不可，係不切实际嘅奢想!
2.一时冲动
因一时挫折、情绪影响而突然决定整容，根本就冇足够心理准备，好多人手术后经常会出现后悔、不安或其他消极情绪。
3.寄望太高
好多人认为生活唔如意、失恋、婚姻失败等与自身形象有关，从而希望通过整容摆脱困境。要知道整容可以令一个人变得更完美，但唔可以决定一个人嘅事业、家庭。因此，将解决生活困难寄託于整容嘅人，咪整!
4.要求唔明确
有啲人一味话想整得靓，但对「靓」嘅要求唔清晰，事后觉得唔满意就认为係手术失败，係医生问题，好易产生纠纷。
5.吹毛求疵
完美主义者亦唔适合整容，因为你好易会将小伤口、缺陷睇得过重，整容话明係手术，又点会冇伤口冇疤?
图片来源：ig@vani0531
