呢个年代，仲有几多人有睇书习惯?如果同你讲想搵大钱就要多读书，你又会唔会重拾阅读乐趣?
日本电视节目「NEWアベレージピープル」日前介绍几位年轻成功创业家，充实自己或提升生活效率嘅方法，其中一个秘诀就係搵人一齐读书(ペア読书)。受访者表示每周至少都会搵一本书一齐睇，见到有咩疑问或感想就立即向对方提出并讨论，如此一来，唔驶一个钟就可以睇完一本书，悭时间之余又可以吸收更多知识，讨论嘅过程亦会加强记忆，网友们睇完节目介绍都话超想试。
虽然节目大赞「ペア読书」优点多，不过也有网友质疑，要先搵到两本一样嘅书、搵到可以齐读书嘅人、仲要两人同时得闲，呢个难度会唔会太高呢?
计我话，要约朋友都係事在人为啫，有心唔会约唔到。好多人出咗嚟做嘢，同以前读书嘅老友相处、倾偈时间少咗，感情可能会慢慢变淡，唔想｢从前旧知己日后变不到老友｣，就要学识以下4招维繫友谊:
1.定期见面及问候
任何关係都要有付出先可能有收穫，即使係几知心嘅朋友，都需要花心思去维持打理。虽然做嘢好忙好攰，但都唔好俾藉口自己偷懒呀，尽量安排每个月定期聚会，就算唔得，打msg问候关注吓都好。
2.窝心举动
朋友唔开心，有时唔使真係要绞尽脑汁帮对方搵解决方法嘅，借只耳仔听佢讲嘢已经好好，除咗共患难，日常小事上做得到嘅话就帮手，小小举动已经会令对方好窝心。
3.尽量包容
几熟嘅朋友都需要多沟通，唔好俾｢大家心照啦｣呢句说话呃到。既然係好珍惜嘅朋友，对方做得唔好嘅时候，尽量向佢嘅好处谂，唔好太执着喺缺点上，同埋唔好将对朋友嘅期望set得过高，或者当咗人哋乜都明、乜都知。
4.一齐发梦
细个嗰阵大家喺海边谈理想倾通宵，大个咗就算发觉对方谂嘅嘢有啲不切实际，都可以慢慢同佢倾一齐分析利弊，唔好兜头冷水照头淋，好朋友有一个好大嘅作用，就係愿意陪对方｢发梦｣。
图片来源：https://www.pakutaso.com
