为了婚礼，近排积极减肥的阿娇（钟欣潼），不时都係IG到公开健身过程，而寻日阿娇到电台宣传新歌《听说的幸福》时，明显清减不少。讲到首新歌，佢话係送给老公赖弘国嘅礼物，原本想将首歌留待婚礼上播当惊喜，点知都係守唔到秘密，忍唔住同对方分享。
提到容祖儿日前承认雪卵备用，阿娇直认係经理人Mani提议佢哋做，但佢话自己雪得唔多，只有三粒，而之前因为雪卵搞到荷尔蒙失调，肥咗成20磅，令阿娇唔会考虑做第二次啦！
讲到生小朋友，时下生育年龄愈来愈高，四字头生BB都不算罕见。虽则话有仔趁嫩生，但作为女性，一谂到生小朋友呢样嘢，真係矛盾多多，以下呢4点你又认唔认同？
怕无自由
时下年轻人爱旅游，怕生咗小朋友之后，所有心机时间同金钱都投入小朋友身上，唔话去旅行，二人世界的时间都无了。
辛苦人生的开始
不少年轻妈妈都形容，生小朋友係将自己由一个公主变成一个工人。新手妈妈咩都要一脚踢，过程相当辛苦，有时连瞓觉时间都唔够。
赌上健康与身材
生小朋友令身材样貌走样不特止，仲会大伤女人元气，令身体机能大不如前，手脚冰冷又容易生病。
怕影响与伴侣的关係
生小朋友后，会大大提升夫妻的嗌交机会，久而久之会影响夫妻之间的感情，而第三者好多时都会係呢个时候出现，严重者更会导致婚姻破裂。
相片来源：钟欣潼 @facebook
