人一紧张就会发出臭味 味道似洋䓤？

大家紧张时候会点？唔知大家好似去考公开试、考车、结识异性、见工之类嘅场合时，会唔会好紧张，身体又会即时有咩反应？笔者就会想去开大，一紧张就有得去，仲要好畅快。有人紧张就流手汗、有人会口干等等。不过原来人体有一种自然反应，就係发出臭味！

日本资生堂一项研究指出，搵嚟40位人士做观察，同佢哋进行一个1对1嘅面试，气氛非常严肃认真，令大家嘅情绪都非常紧张。再暗中收集各人皮肤发出嘅气味研究。发现当中有一种类似硫化物嘅气味，其中物质係类似洋䓤等䓤类食物嘅味道！呢种有少少「压」嘅臭味，就被称为「压力臭」。下次如果喺某啲环境突然闻到洋䓤味，记得留意下附近有无好紧张嘅人呢。