今次真係妈妈躺着也中枪!日本MBS电视台冷知识节目「林先生が惊く初耳学！」，最近讲及父母对子女成绩嘅影响力，发现「妈妈学历决定子女成绩」，搞到唔少妈妈网友纷纷于网上向子女道歉!
节目引述日本文部科学省(教育部)一项「父母係高中或大学毕业，与子女在国3数学考试正确率的嘅关係」嘅调查，发现爸爸学历影响子女考试正确率嘅差距係12.4%，而妈妈就係16.7%。
从呢项数据可以见到妈妈学历比起爸爸，对子女成绩影响係大啲，不过差距又唔算好夸张，点知节目即刻列出一篇美国研究报告，斩钉截铁咁话「头脑醒唔醒，係母亲遗传」!
报告指出父母分别遗传畀子女唔同嘅大脑部位，爸爸主要遗传「管理情绪、本能」方面，妈妈主要遗传「记忆、思考、认识等部份，所以子女成绩唔好，怪阿妈又有啲道理喎!
当然研究还研究，唔一定啱哂啦，可怜係一众妈妈睇完节目后，纷纷于网上向子女道歉:
「阿仔，我对你唔住…」
「对唔住，都怪我蠢，遗传到畀你喇…」
「头脑好唔好只会遗传自妈妈!有我呢种妈妈真係抱歉!」
只能讲句，做人阿妈甚艰难!生之前谂清谂楚呀，第日啲仔女成绩差走来怨你蠢，你唔慌唔头痕呀。
图片来源：http://news.livedoor.com
