唔少准新娘係婚前都会努力瘦身，好似下月举行婚礼的阿娇都唔例外，佢寻日係社交网站上传了一条名为「阿娇婚前减肥日志」嘅短片，分享下婚前减肥史，佢话自己开始控制饮食，尽量食肉同菜，戒食甜同淀粉质，但又唔想减得太清，怕太清可能饮宴嗰啲一饮就醉，之后重去做运动，更公开自己的体重、肌肉比例同体能。
最后，阿娇话希望可以减到99磅，佢话「希望同想减肥嘅朋友一齐减肥，倒数一个月开始，第一次咁赤裸裸同大家分享我嘅肥，为咗着婚纱，呢个月一定要减到！」究竟一个准新娘为了以最佳状态示人，可以去到几尽？以下失败例子话比大家知，凡事唔好去做尽。
心脏衰竭暴毙
英国一个240多磅的准新娘，为了最佳状态示人，只喝汤、零食及奶昔，每日只摄取530卡路里的热量，结果係11个星期后心脏衰竭暴毙，当时的体重急降了42磅(约19公斤)。
殭尸脸
武汉有位准新娘为了影到靓靓Pre-wedding，去整形医院打了瘦脸针，结果过咗几日变成一幅殭尸脸，眼睛不会弯了，瞪得直直的，嘴角不能上扬了。
鸳鸯鼻
香港的准新娘，因有黑眼圈而去美容院以$6800「打Botox」疗程，係眼部附近位置注射，结果数日后发现面部不平衡，更出现「鸳鸯鼻」，笑时样貌偏歪。
相片来源：钟欣潼 @facebook
