白Tee同牛仔係绝配，只要简单搭上牛仔裤、短靴加副超，就係简约又时尚之穿搭!
2.白Tee x 丝质吊带裙
吊带裙内衬白Tee係近几季女生最热门穿搭之一，而今年更加兴较feminine嘅丝质裙，简单内搭一件Tee，就可以中和丝质裙嘅女人味，令你显得休闲又甜美。
3.白Tee x 波点长裙
波点裙同样係今年必备流行单品，如果唔係太识衬，就直接上身着Tee，好有法国女人嘅利落风格。
4.白色Crop Tee x 印花休闲裤
好多人怕着呢种花花裤，觉得好似睡裤，其实只要上身着件白色短身tee板，搭配高腰印花裤，成个人即刻清新后生哂!
5.黑白灰混搭
利用千鸟纹西装外套，内搭白Tee及黑色短裤，呢种黑白灰混搭既稳阵又长青，职场女性不妨学一学。
6.白Tee x 吊带牛仔裤
白Tee亦非常适合同吊带裤一齐着，如果担心唔够潮，学Barbie加条sharp色领巾，时尚度up!
I’m a Barbie Girl in a Barbie World
斋睇相边够喉?适逢今年係Barbie 60岁大寿，其60周年特别企划You Can Be Anything全球巡展就嚟到铜锣湾Fashion Walk，Barbie迷一定唔可以错过见偶像嘅难得机会呀!
时尚教主衣橱
自1959年面世以来，Barbie先后与多个国际知名品牌合作，靓衫多多，展览就将2.5米高Barbie衣橱搬到室内商场地下中庭，首度展示Barbie日本别注版女装服饰及最新合作款鞋款。
流行经典60年
Fashion Walk地下走廊设有展览区，独家展出60个极具代表性嘅Barbie公仔，重温各个年代嘅流行造型。唔知又有冇你细细个玩过嘅款式呢?
入包装盒扮公仔
Barbie迷千析唔好miss咗呢个打卡位!食街放咗两个Barbie及Ken巨型公仔箱，等大家走入去扮公仔影相，记得要好似Barbie着得咁靓先可以呃到Like啦!
Barbie 60周年「You Can Be Anything」
日期：即日起至8月30日
地点：铜锣湾Fashion Walk
图片来源：ig@barbiestyle、Fashion Walk
更多相关文章
星球大战StarWars Barbie 40年来首度合作款．黑武士芭比劲似叶刘
西装外套、豹纹今季必买！跟Barbie学秋冬必备穿搭
背心也要穿搭得与众不同！2019 夏天设计感显瘦背心推介
