饮茶可以话係全世界首推中国人，中国人饮茶历史有千多年之久，可以话无茶不欢，唔少中国人更加係以茶代水，非常厉害；而一直以嚟都有好多人话饮茶好处多，对健康特别有帮助，茶酸可以促进新陈代谢等；不过近日有医学研究直指，饮茶同患癌有直接关係！
《欧洲流行病杂志》近日公布一项研究，分折50多万中国人从2004年至2008年嘅饮食习惯，并长期观察当中患癌人士，最主要嘅6大癌症包括肺癌、胃癌、直肠癌、肝癌、乳癌及子宫颈癌。研究发现饮苶愈多嘅人，患癌风险同样升高，尤其係肺癌及胃癌。不过呢，研究有讲，钟意饮茶嘅人，同样钟意食烟同饮酒，所以有啲难以分别究竟係咪共同责任。所以研究人员又抽出部分钟意食烟，但唔烟唔酒嘅人出嚟，发现只要一日饮多过4克茶叶嘅人，比一星期只饮1克嘅人，胃癌机会大增！咁好多人问，饮茶唔係可以防癌咩？睇返研究数字，原来饮茶并无防癌效果喎！至于饮茶致癌嘅原因仲包括茶太热、饮茶同时食烟、饮茶后导致睡眠质素受影响令作息不足等，都係患癌主因。所以，大家饮茶记住要小心唔好犯上呢啲「错误」喇！
