认知障碍症、阿尔茨海默氏症、失智症，呢类以往统称为「老人癡呆症」嘅神经科疾病，患病嘅原因至今仍然众说纷纭，医学上仲未有正式解释，唔少人都尝试搵出致病原因。近日又有新嘅研究，直指食辣过度係导致患病嘅原因之一喎。
澳大利亚嘅南澳大学及卡塔尔大学一项联合研究，追纵咗4,500位中国人，佢哋都係钟意食辣嘅人，根㯫15年来嘅研究，发现呢班每日食超过50克辣椒嘅人，出现记忆力及认知力下降係其他人嘅2倍！而且身型愈瘦弱嘅人，情况就愈严重。根据数字，四川及湖南係中国最钟意食辣嘅地方，有3分1人口每日都会食辛辣嘅辣椒。全球有5,000多万人有呢类疾病，究竟食辣係咪其中一个致病原因暂时未能确实肯定。虽然係咁，食辣同样有唔少好处，被证实嘅包括延误衰老、抗氧化等；当然过份食辣同样有医学证明对身体会有不同程度嘅坏处，例如对心脏及血管等。所以老土都要讲句，食嘢唔好太尽，适可而止呢。
