近年好多人开始食电子烟，尤其係日本牌子嘅电子烟更加兴起热潮，唔少香港人都转食电子烟，一直以嚟都有人话电子烟可以帮助戒烟，但同样有人话反而令人更加依赖尼古丁。咁究竟电子烟是好是坏？近日终于有研究出现，大家快啲睇下啦。
根据有关尼古丁研究嘅医学期刊《Nicotine & Tobacco Research》 近日公布一项调查，向8,200位吸烟人士调查，并进行为期2年嘅追纵。期间发现每日吸食电子烟嘅人士，有11%人会于1至2年内戒烟，虽然好似好少，但比吸食传统香烟嘅6%已经高出好多。原因据估计係每日吸食电子烟嘅人，其实係比较倾向想戒烟嘅人，于是佢哋自然有较高嘅戒烟比例。不过唔好开心住，研究又发现，戒咗烟嘅人士之，食开电子烟嘅有4%人会于1至2年内重新食烟；而传统烟嘅人只有3%；即係话食电子烟，较大机会戒烟，同时亦较大机会再食返。不过呢项研究又带出令一个重要问题，就係原来近日兴起嘅电子烟，反而令更多吸烟人士同时食传统烟及电子烟，而有更大机会患上心脏问题或呼吸问题，係好需要正视呢！
