不举，可以话係每个男人嘅恶梦，唔知几多男人由年轻开始就注重自己「弟弟」嘅健康，希望唔会令佢有任何障碍。不过根据最新研究调查，发现出原来全球50岁以下男性，竟然有一半都有勃起障碍，数字係25年前嘅一倍！
英国伦敦大学嘅团队对10几岁至80岁全球各国男性进行大数据调查，50岁以下男性有一半都有勃起障碍；其中18至25岁男性有35.6%、26至40岁就有30.7%！唔单止数量比以前多，年龄上也有年轻化趋势，情况令人担忧。团队中嘅医生Anna Kessler就话，好大原因係因为现代人饮食及生活习惯，造成高血压、胆固醇偏高及糖尿病等后果，令男人患心血管病嘅风险大增，亦会造成「不举」。另一大原因就係现代人比以前更易接触烟酒，而且有过量使用嘅习惯，加上精神压力比以前大，种种原因都令男士们「力不从心」！
