现代人好多都好讲求健康，追求运动同健康饮食；但同时间因为科技发达以及美食日益增加，好多人都会愈食愈多；根据世卫嘅数字，原来对比50年前，人类目前每日多吸收650卡路里，相当于一餐老麦（汉堡、薯条、汽水）！澳大利亚国立大学最新研究仲指出，种种唔健康嘅饮食，除咗令大家条腰愈嚟愈粗之外，同时大脑都会受损！
研究人员归纳咗200多项相关国际研究并发表报告，指肥胖及血糖偏高，会导致神经病变，影响大脑健康及认知！报告指血糖偏高令大脑海马及杏仁体萎缩，4年就可以萎缩达6至10%！係会影响人嘅认知、学习及记忆力。当中研究人员直指唔健康嘅饮食方式係等如直接「吃掉大脑」，会造成嘅后果包括认知障碍症年轻化、 脑萎缩以及乙型糖尿病等。团队指呢种危害大脑嘅损害，一旦到咗中年，所造成嘅破坏就已经不可逆转，到时就算重拾健康生活都无补于事，要改善就必须趁年轻，尽量少食垃圾食物、多做运动，咁就可以确保大脑健康喇！
