仲记唔记得日前「精灵宝可梦」香港区facebook专页举办一个12岁以下小朋友填色比赛，因得奖作品太出色，网民惊叹「冠亚军画到好似CG嘅级数」、「仲靓过官方图」，质疑作品由家长代笔，而非小朋友作品。
另一边厢，有比赛则完美示范咩叫小朋友「真」画作，Google近日公布2018年度「Doodle for Google」赛果，冠军由来自美国嘅7岁小女孩Sarah Gomez-Lane夺得，画中恐龙係妹妹嘅创作灵感，仲话梦想係做古生物学家!虽然佢嘅画功幼嫩稚气，冇港孩咁叻识得运用景深、混色等高超技巧，但胜在以真诚同埋远大梦想，成功打动评委。
唔少小朋友都钟意画画，家长要识得欣赏子女画作，千祈唔好过早追求完美，介意佢哋画出界，更加唔应该代笔，扼杀佢哋嘅创意!
不过小朋友创意愈多，画作亦愈多，又唔舍得掉，要储又唔够位，以下就分享几个收藏小朋友画作嘅有趣方法:
1.画册
整画册并冇相像中困难，彩色印刷帮到你!不妨每年为小朋友制作一本年度画册，亦係送畀爷爷嫲嫲公公婆婆嘅好礼物!
2.gallery
买几个小画框，将可爱画作挂喺墙，无论係客厅或睡房，时刻流露童真。
3.电脑wallpaper
睇厌风景wallpaper，不如将得意作品scan入电脑，制成wallpaper，即时为你工作打打气!
4.颈链
本地有网店为孩童画作制成颈链，令父母可以时刻戴喺身，好似宝贝仔女就係左近咁。
5.毛公仔
外国也有公司提供类似，只要将小朋友画作寄予公司，佢哋就会依照画作制作出一模一样嘅真实公仔，实质保存小朋友嘅童真、当时嘅喜悦心情。
图片来源：Doodle for Google、「精灵宝可梦 香港」fb专页
