香港人工时长，加上好多人要跨区返工，每晚几乎都有睡眠不足嘅问题，究竟人要瞓几多个钟先对大脑最好呢？最近就有研究公布咗实际时间喎。
加拿大安大略大学最新研究，搵咗44,000位人士进行睡眠研究，观察咗佢哋嘅日常生活以及睡眠时间，再仔细分析。经过研究后指出，人体每晚瞓7至8个钟係最好，大脑可以得到充分休息，令身体保持最佳状态。但原来好多人以为愈瞓得多愈休息得足，原来係错架，研究话瞓得太多嘅坏处基本上同唔够瞓一样，会对大脑思考力构成影向，大脑功能有衰弱、思绪不清等问题。大家紧记，唔好平日返工就唔够瞓，放假就瞓大半日，宁愿平均咁每日瞓8个钟喇！
