近日2016年港姐季军陈雅思，惨被认错係一段不雅影片嘅女主角，令佢叫苦连天，因为佢同当中嘅女主角好神似，而该位女士就係新加坡嘅一名KOL，并一早已经自认并希望大家唔好再转发。其实一男一女嘅情慾影片都已经唔係第一次流出，大家都知道危险性有几高，何必再「以身试犯」呢？
明白热恋中嘅男女可以话情到浓时任何事都唔怕做，拍私密影片当然係其中一项，不过纵使两情相悦，最后得到嘅结果可能都係痛苦；只怪现金科技太发达，就你拍低嘅一刻，可能影片已经被上传到喺十万九千里云南一个小山头上嘅云端之上，就算你从电话中删除，难保某年某日突然有人用其他方法搵到。大家，尤其女士，唔好傻猪猪咁谂仲係十几年前咁，要拎住你部手提电脑先拎到入面嘅相片同影片，根本无嘢係安全。作为女生（其实男生亦然），有几爱另一半都好，避得就避，正如子华神话齐：唔拍唔代表无做过嘅。
