2000年嘅世代，原来都已18、19岁，真係时光飞逝，要讲起呢班00后，真係可以话係电话之下成长。不过正如好多国家嘅细路一样，香港嘅00后都係谂嘢唔多经大脑，校园欺凌，都竟然拍低放上网。究竟点解要咁做？係唔知自己做嘅嘢係伤害他人而违法？定因为叠马、英雄主义？其实大家读书时，唔多唔少都有呢啲情况出现，只係视乎严重程度，不过当年未有电话影低啫。
其实校园欺凌已经係多年嘅课题，其对小朋友成长发展之影向，并非表面咁简单，好多小朋友长大数十年后一样有当年嘅阴影存在，甚至影向埋佢长大后嘅性格发展；任何一个国家或地方都好重视校园有否欺凌问题，而最唔重视嘅就偏偏係最接近事件嘅学校及老师。点解？因为丑事不出门，你都唔想学校个名因为呢啲事而一落千丈，好似董之英咁啦。
今次事件，好彩有人咁蠢放上网公开，否则校方肯定都係收埋草草了事就算，但既然已经上报又变咗刑事案，倒如彻底调查清楚，睇下有咩人需要负责，咁先可以杀一儆百，尽全力将校园欺凌案减至最少！
