好多店舖都锺意用一啲靓仔作为店员，尤其係顾客主要係女性为主嘅，无他嘅，异性相吸，谂住用靓仔吸引女士消费，係合理谂法；之但係原来咁嘅做法只係啱咗一半，因为被刺激消费嘅竟然係男士而非女士？
根据瑞典Karlstad大学最近项究，搵嚟特卖场作为实验，喺入面安放靓仔男店员，标准係比95%嘅男士高，而且肌肉结实。结果发现男性顾客普遍消费竟然比女士多出一倍！而比无靓仔店员时多出80%！反而女士只会多出20%。研究学者指出，係基于男士天生嘅同性竞争基因，面对身型及外表都比自己好嘅男性时，惟有用「财力」去搭救，希望表示自己喺经济上优势，从而挽回自尊心；所以就会不惜去消费，证明自己「比你有钱」。嗱不过各位老细唔好乱嚟，因为研究最后指，呢一招只係短时间有助消费，因为好容易令男顾客从此不再帮衬！
