现代人喜欢跑步，毕竟大家都讲求健康生活，平日想做运动，最方便嘅就係落街跑步，又唔使约朋友一齐，又唔使特别准备装备器械，想跑就跑。不过跑步对于好多新手而言，并非想像中咁轻而易举；讲嘅除咗一般跑步技巧例如正确姿势之外，仲有一件困扰好多跑步新手嘅事，甚至係一大阻力，就係：点解一跑步就周身痕痒，愈搲愈痕，但明明身体无特别问题，但只要一停低一阵就完全无事？
其实跑步时周身痕痒难耐，好多时只会出现喺新手之中，原因係多数跑步新手都係平日无做开运动，以致身体未能适应，一做运动时皮下血管加速流动令血管扩张、皮肤温度上升，造成俗称「热敏感」，情况就係全身上下，例如手脚、背部等都痕痒无比，呢种情况尤其冬天时更严重，因为冬天血管会比平日收缩，一旦跑步时扩张之后，分别会比平时更明显。跑步人士如果不停去搲更会造成血痕，而当一停止跑步，皮肤降温后痕痒就会消失。有效解决方法就係而多跑步令身体适应，而非完全唔去跑步；所以如果一开始跑步时觉得痕痒，可以用湿毛巾抹湿痕痒部位，或者多饮水，主要就係帮助皮肤降温，其次就係痕痒时放慢跑速，或者慢慢行，隔一阵先再跑。只要跑多啲，身体就自然可以适应，唔会再出现痕痒问题。（如果又隔酞耐唔跑，下次再跑都会出现同样问题。）
当然，如果本身係有长期皮肤病或免疫系统问题，好似湿疹人士，係特别容易因为出汗导致身痕，同样可以先用冻水或湿毛巾抹身，如果无改善的话可再咨询医生建议。不过如果本身无任皮肤问题但发现一直跑步都持续有痕痒情况，可能係患上「慢性荨麻疹」，係需要用药物治疗，要睇医生喇！
延伸阅读：
Dr.东：跑步后咪急停 易猝死三大忌你要知
【周身痕点算好】皮肤乾燥痕痒难耐 医生教你三招防痕滋润法
【吾通吾识】夜跑会攰啲？跑步常识你要知
